Синоќа еруптираше вулканот Килауеа на Големиот остров на Хаваи, втор ден по ред. Тоа е трета ерупција оваа година.
Вулканот исфрли големо количество лава. Ерупцијата се случи во подрачје што е затворено за јавност од 2007 година поради нестабилност на ѕидовите на кратерот и поради одрон на камења.
Во Националниот парк „Хаваи вулкани“, лоцирани се врвовите на двата најактивни вулкани во светот, Килауеа и Мауна Лоа. Килауеа веќе еруптираше во јуни и во септември оваа година.
Од 2020 година вулканот Килауеа еруптираше шестпати.
