Холивудската актерка Блејк Лајвли поднесе тужба против својот поранешен колега и режисер на филмот „It Ends with Us“, Џастин Балдони, обвинувајќи го за сексуално вознемирување за време на снимањето.
Лајвли тврди дека Балдони создавал токсична работна средина, вклучувајќи ситуација во која покажувал експлицитна содржина и зборувал за неговата наводна зависност од порнографија.
Според тужбата, цитирана од ТМЗ, некои од барањата вклучуваат „да престане да прикажува експлицитни видеа или фотографии пред актерката, да престане да ја спомнува поранешната наводна ‘зависност од порнографија’ на Балдони, да престане да разговара за сексуални работи пред актерката и да престане да додава сцени за секс, орален секс или оргазам за Блејк Лајвли, освен во рамките на сценариото што таа го одобри при потпишувањето на договорот за проектот“.
Тимот на Балдони ги отфрлил овие обвинувања, тврдејќи дека тужбата е обид на Лајвли да ја поправи својата репутација, која била нарушена од контроверзното објавување на филмот. Лајвли тврди дека Балдони давал несоодветни коментари за нејзината тежина и го навредувал нејзиниот покоен татко, како и дека давал интимни коментари за актерската екипа и членовите на екипата.
Според тужбата, Лајвли и нејзиниот сопруг, Рајан Рејнолдс, побарале кризни разговори за време на снимањето за да го запре однесувањето на Балдони. Лајвли исто така побарала да не се додаваат нови сцени на интимност, освен оние кои биле веќе одобрени во сценариото.
Иако студиото ги прифатило нејзините барања, објавувањето на филмот било попречено од спорот помеѓу Лајвли и Балдони за тоа како треба да се промовира, а обожавателите забележаа заладени односи меѓу нив во текот на целата промоција на филмот. Лајвли тврди дека тимот на Балдони започнал кампања за социјална манипулација со цел да го наруши нејзиниот углед.
Одбраната на Балдони, преку адвокатот Брајан Фридман, ја нарекла тужбата „лажна и намерно сензационалистичка“ и тврди дека тоа било обид на Лајвли да ја поправи својата слика по гласините за нејзиното наводно непристојно однесување на снимањето. Според Фридман, Лајвли била одговорна за неуспехот на филмот поради заканите дека нема да се појави на снимањето ниту да го промовира филмот.
Романтичната драма ја следи приказната за Лили Блум, која ја игра Блејк Лајвли, и нејзината врска со Рајли Кинкејд, кој го игра Џастин Балдони.
