Хрватската пејачка Северина се огласи по трагедијата во загрепското основно училиште.
“Нека замолкне сè. Одлета едно мало ангелче. Невин, не ни зачекори во живот. Вресок, болка и гнев. Неутешно. О, Боже, зошто? Сè што можеме да направиме е да се молиме за учителката и за повредените деца. Сочувство до родителите…“, напиша таа на својот профил на Инстаграм.
Трагичен настан ја потресе јавноста во Хрватска и целиот регион утрово кога дете од прво одделение било убиено во напад со нож во загрепското основно училиште „Пречко“. Повредени се наставник и три деца, а животот на наставничката е во опасност. Хрватскиот министер за здравство потврди дека едно дете починало, а меѓу повредените е и напаѓачот кој се обидел да се самоубие. Истрагата е во тек, пишуваат хрвтските медиуми.
Полицијата и итните служби се на терен.
