Времето денеска ќе биде сончево со мала локална облачност. Ќе дува слаб ветер од северозападен правец. Претпладне ќе има услови за појава на магла по котлините.
Минималните температури ќе се движат од -3 до 0 степени, а максималните од 9 до 15 степени.
Во Скопје претпладне ќе има услови за појава на магла, а преку денот ќе биде сончево со мала облачност и претежно тивко. Температурата ќе достигне 9 степени.
До четврток ќе се задржи стабилно и релативно топло време. На планините поради повисоките температури висината на снежната покривка ќе се намалува. По одделни котлини ќе има појава на магла и таму дневната температура ќе биде пониска. Нов влажен бран со врнежи од дожд, а на планините и на повисоките места од снег се очекува во петок попладне и во сабота.
