Израелскиот премиер Бенјамин Нетанјаху во телефонски разговор во неделата му рекол на новоизбраниот американски претседател Доналд Трамп дека не сака конфликт со Сирија. Израелските воздухопловни сили потоа извршија нова серија напади таму, јавуваат странските новински агенции.
Бенјамин Нетанјаху го опиша разговорот со Доналд Трамп како „пријатен и важен“. Како што рече во подоцнежната изјава, тој и новоизбраниот американски претседател разговарале на повеќе теми, меѓу кои и војната во Газа.
Во врска со Сирија, Нетанјаху рече дека Израел „не е заинтересиран за конфликтот“, и дека ќе ги координираат своите акции според ситуацијата на теренот.
На 8 декември, само неколку часа по падот на владата на поранешниот сириски претседател Башар ал-Асад и преземањето на власта од страна на неколку бунтовнички групи предводени од исламисти, Израел влезе во тампон зоната што ги дели израелските и сириските позиции со својата војска, прекршувајќи ја договор за прекин на огнот од 1974 година.
Копнената инвазија беше проследена со масовна еднонеделна офанзива во која Израел ги уништи остатоците од опремата на поразената сириска армија низ целата земја.
Според Сириската опсерваторија за човекови права, нападите на израелските сили не стивнуваат. Израелски авиони извршија нова серија напади, во кои, меѓу другото, го нападнаа и крајбрежниот регион Тартус, каде што е сместена и руската морнарица.
Невладината организација со седиште во Велика Британија наведе повеќе од 450 израелски напади во 13 сириски региони од промената на власта во Дамаск.
