Унгарскиот премиер Виктор Орбан се сретна со Доналд Трамп и милијардерот Илон Маск во домот на новоизбраниот американски претседател во Мар-а-Лаго на Флорида, објави унгарскиот лидер на платформата X.
„САД денес. Иднината започна! Попладне во Мар-а-Лаго со @realDonaldTrump, @elonmusk и @michaelgwaltz“, објави Орбан, без детали.
Двајцата лидери се сретнаа и во јули и разговараа за „можностите за мир“, а Орбан се залагаше за прекин на огнот во Украина, изјави портпаролот на унгарскиот премиер.
Орбан, националистички лидер и долгогодишен поддржувач на Трамп, станува сè поизолиран во Европската Унија поради неговите врски со Русија и неговото противење на воената помош за Украина.
Орбан го поздрави Трамп како „човек на мирот“ кој брзо ќе ја заврши војната во Украина и очекува неговите блиски лични врски со новоизбраниот претседател на САД да ја зајакнат неговата позиција во политички поделената Европа и да ја зајакне поддршката за неговите екстремно десничарски сојузници додека тој се соочува со сериозни предизвици дома.
