Кавга меѓу Владимир Путин и најбогатите Руси милијардери и бизнисмени во земјата кои не би можеле да пристапат до својот имот и пари во странство поради евентуалните санкции е една од причините кои го спречуваат рускиот претседател да ја окупира Украина, тврди Зоран Драгишиќ, професор на Факултетот за безбедност во Белград за Мондо. Друга причина дека најверојатно нема да има војна, туку дипломатско решение е и военото јакнење на Украина која добива помош од Западот, но и фактот дека освен Кина и Белорусија, Москва нема да има други сојузници.
– Би имало проблеми меѓу руските власти и најмоќните луѓе во Русија, кои би имале проблем да ги соберат своите пари, да пристапат до својот капитал и имот во странство. Путин секако не го сака тоа бидејќи тоа би му создало големи проблеми внатре во земјата. Условите кои Русија ги постави за Украина, да се вратат границите на НАТО во Европа од 1997 година и Украина да не влезе во Алијансата, не се реални. Кога сè ова ќе го земеме предвид, војната е сè помалку можна и сега сме поблиску до мирно решение – изјави Драгишиќ.
До вчера сите мислеа дека сигурно ќе има војна
– До пред неколку дена можев да тврдам дека сигурно ќе има војна. Но, сега ми се чини дека нема да има војна и дека ситуацијата во Украина се развива поволно. Реториката е сè уште напната, тоновите сè уште се заканувачки, но има јакнење на украинската армија од страна на сојузниците, што може да биде одлучувачки фактор што ќе ја запре војната – вели за Модно Зоран Драгишиќ, професор на Факултетот за безбедност.
Русија не очекуваше Западот да ѝ понуди оружје на Украина
Според Драгишиќ, се чинело дека Русија во секое време може да „прошета“ со војската низ Украина, но сега излезе дека тоа не е така.
– Сојузниците покажаа висок степен на подготвеност да ја бранат Украина. Русија не очекуваше Америка, Европа и околните земји да застанат толку цврсто против неа. Западот ѝ понуди на Украина помош која е многу конкретна, не само реторика и вербална поддршка, туку смртоносни средства донирани за Украина – објаснува професор од Факултетот за безбедност.
Русија мислеше дека Турција ќе застане на нејзина страна
Дополнителен проблем за Русите е тоа што немаат силен сојузник кој би застанал покрај нив без дискусија доколку дојде до воен конфликт.
– Русија веруваше дека ја стави Турција на своја страна, но се покажа дека тоа не е вистина. Бидејќи тие практично немаат сојузници освен Белорусија и потенцијално Кина, ситуацијата е многу обесхрабрувачка за Русите доколку Русија во целосна изолација доколку избие војна и санкциите ја уништат – рече нашиот соговорник.
На Американците им одговара војна со Русија?
Додека сите очи се вперени во Владимир Путин, реакциите не изостануваат ни за Џо Бајден и неговата променлива политика кон Украина. Отпрвин се зборуваше за целосна војна, а сега само за економски санкции. Но, двете нешта се поврзани.
Па така, демократката Талси Габард во интервју за „Фокс њуз“ рече дека американскиот претседател Џо Бајден и неговата администрација сакаат Русија да ја нападне Украина за да ги оправдаат „драконските“ санкции против Русите. Таа, исто така, истакна дека Бајден може многу лесно да избегне војна со тоа што ѝ гарантира на Русија дека Украина никогаш нема да стане членка на НАТО, но дека тоа намерно нема да го направи.
