Американскиот претседател Џозеф Бајден соопшти дека го помилувал својот син Хантер Бајден во судската постапка против него за даночни прекршувања и во врска со носење огнено оружје, а својата одлука ја оправда со тврдењето дека неговиот син бил подложен на неправедно гонење.
Бајден рече дека потпишал помилување за неговиот син Хантер вчера, иако откако ја презеде функцијата рече дека нема да се меша во одлуките донесени од судовите и Министерството за правда.
Тој изјави дека до сега останал на таа одлука, иако, како што навел, гледал како неговиот син „неправедно го гонат“.
– Верувам во судскиот систем, но откако се борев со ова, верувам и дека грубата политика го зарази овој процес и доведе до пропуст на правдата, така што кога ја донесов оваа одлука викендов, немаше смисла повеќе да се одложува. Се надевам дека американскиот народ ќе разбере зошто таткото и претседателот би дошле до оваа одлука – рече Бајден во својата изјава.
Во помилувањето се наведува дека Бајден му дал „целосно и безусловно“ помилување на Хантер Бајден за какви било прекршоци помеѓу 1 јануари 2014 година и 1 декември оваа година.
Бајден оцени дека Хантер бил кривично гонет само затоа што е негов син.
