Музичката ѕвезда Јелена Карлеуша лансираше линија парфеми и специјални миризливи спрејови за тело, кои се пуштени во продажба вчера.
Поминаа нешто повеќе од 24 часа откако Карлеуша одржа промоција во еден белградски трговски центар, а како што вели првото издание е распродадено за неколку часа.
– Парфемот е распродаден! Првото издание на линијата унисекс парфеми „ЈА“ се продаде за неколку часа – објави Јелена Карлеуша.
Сепак, за оние кои не успеаја да купат до сега, има добри вести.
– Второто издание на парфемот и спрејот за тело е повторно достапно од денеска во сите поголеми продавници и до четврток во продавниците низ цела Србија (како и онлајн). Исто така, парфемите и спрејовите отсега ќе може да се нарачуваат онлајн за сите земји од Европската Унија, како и од Црна Гора, Босна и Херцеговина и Македонија. Дистрибуцијата на производите се врши од самата Европска унија, така што нема дополнителни царински и даночни трошоци – рече Јелена.
Инаку, за време на промоцијата поп дивата Јелена Карлеуша откри колку темелно го работела парфемот и дали нејзините ќерки веќе го користат.
