Светскиот топ модел Адријана Лима ги покажа деталите од луксузната дневна соба која веќе ја украсила и подготвила за празниците.
Бидејќи во еден момент ги избриша речиси сите фотографии од социјалните мрежи, Адријана Лима извесно време беше многу внимателна што објавува од приватниот живот.
Сепак, изгледа дека во последно време малку се опуштила, а јавноста за првпат можеше да го види нејзиниот син Сијен, кој го доби со свршеникот Андре Лемерс, а во неколку наврати им дозволи на своите следбеници да ѕирнат во луксузен дом во Брентвуд, како што тоа го направи своебремено кога го дозна полот на бебето.
Да потсетиме, манекенката го купи овој луксузен имот откако ја продаде вилата во Мајами во која живееше со поранешниот сопруг, српскиот кошаркар Марко Јариќ и нивните ќерки Сиена и Валентина, а нејзиниот нов дом најдобро може да се опише како „мал рај на земјата“.
Во реновирањето на вилата вложиле околу 12 милиони долари, а иако не се гледаат сите делови од имотот, на Јутјуб има видео од вилата пред реновирањето.
Имотот има шест спални соби и шест бањи. Добро е ограден и изолиран од љубопитните погледи, а собите се уредени во светли тонови, со многу природна светлина.
Во внатрешноста на имотот имаат гостинска куќа, како и голем базен до кој има надворешна трпезарија со бар и камин, како и простор за скара.
Лима сакала нејзиниот нов дом да биде топол и удобен, со многу зеленило, а сега со своите следбеници сподели како ја уредувала дневната соба пред претстојните празници.
Таа покажала и огромна елка на која доминираат црвени украси, а вака оддалеку може да се забележи дека нејзината куќа има топла, семејна атмосфера.
Топла атмосфера, модерно, малку традиционално и со многу детали. Се издвојуваат и светилките во сребрена и златна боја кои можете да ги видите покрај огромната елка.
Инаку, манекенката во минатото покажувала детали за имотот во кој живее со Лемерс на својот Тикток, погледнете уште неколку кадри:
