Повеќе од 10.000 корисници во Србија во моментов се без струја, најмногу на териториите на административните области Златибор, Расина и Рашка, јави Радио телевизија на Србија.
Околу 160 екипи на Електродистрибуција Србија постојано се ангажирани за санирање на дефекти предизвикани од невреме придружено со бурен ветер и влажен, обилен снег на територијата на Дистрибутивното подрачје Краљево, кое опфаќа 43 општини и 11 градови, со повеќе од 900.000 корисници, пишува РТС.
Во текот на изминатата ноќ бројот на дефекти е сведен на минимум, но лошите временски услови и силниот ветер, кој дуваше синоќа, предизвикаа дополнителни проблеми на дистрибутивната мрежа.
