Валериј Залужни, украинскиот амбасадор во Велика Британија и поранешен врховен командант на вооружените сили на Украина, смета дека директното вклучување на автократските сојузници на Русија во војната против Украина може да се смета за почеток на Третата светска војна.
„Верувам дека во 2024 година, апсолутно можеме да претпоставиме дека Третата светска војна започна. Причината е тоа што во 2024 година Украина повеќе не се соочува со Русија. Украина се соочува со војници од Северна Кореја. Да бидеме искрени. Шахеди од иранско производство сосема отворено убиваат цивили во Украина“, рече Залужни.
„Господ дава можност, не само на Украина, туку и на целиот свет“
„Ракетите произведени во Северна Кореја се лансираат кон Украина и тие отворено го објавуваат тоа. Во Украина експлодираат гранати од кинеско производство, а кинеските делови се користат во руските ракети“, додаде тој.
Медведев за лансирање на нова ракета кон Украина: Го добивте тоа што го побаравте
Залузни нагласи дека мнозинството воени офицери се согласиле дека сите овие фактори сугерираат дека светската војна веќе започнала и дека светот треба да се подготви за неа, пишува Украинска правда.
„Она што толку долго го чекавме започна. Но, сакам да кажам дека самиот Бог и дава можност, не само на Украина, туку и на целиот свет, навреме да ги донесе вистинските заклучоци. Сè уште е можно да се запре тука, на територијата на Украина“, рече тој.
Путин за досега невидената ракета што беше истрелана денеска: Не може да се спротивстави
„Но поради некоја причина нашите партнери не сакаат да го разберат тоа. Очигледно е дека Украина веќе има премногу непријатели. Украина ќе преживее благодарение на технологијата, но не е јасно дали може сама да ја добие оваа битка. Така што верувам дека светската војна веќе започна“, заклучи тој.
