Во Параќин е прогласена тридневна жалост поради трагичниот настан и смртта на едно лице тешко повредено при падот на настрешницата на железничката станица во Нови Сад, се наведува во соопштението на веб-страницата на градот.
„Претседателот на општина Параќин Владимир Милиќевиќ прогласи тридневна жалост на 19, 20 и 21 ноември на територијата на општина Параќин, по повод трагичниот настан што се случи на 1 ноември 2024 година во Нови Сад, кога Петнаесет лица загинаа во уривањето на настрешницата на железничката станица во Нови Сад, меѓу кои и нашата сограѓанка Ања Радоњиќ“, соопштено е.
Трагедијата се случи на 1 ноември, кога натстрешницата на Железничката станица во Нови Сад падна и доведе до смрт на 15 лица. Овој настан, како и контроверзите околу самиот проект за реконструкција на станицата, предизвикаа масовно граѓанско незадоволство, протести и немири пред Градското собрание, поради што беа уапсени голем број граѓани и активисти. Јавноста бара одговорност за сите настани, а досега само Горан Весиќ поднесе оставка на функцијата министер за градежништво.
