Новата работна недела ќе ги започне со студено утро со појава на магла или ниска облачност по одделни котлини. Преку денот сончево со мала до умерена облачност. Ќе дува слаб до умерен ветер претежно од северозападен правец, информираат од УХРМ.
Минималните утрински температури ќе се движат од – 6 во Берово до 1 во Гевгелија, а максималните дневни од 9 во Маврово и 16 Целзиусови степени во Гевгелија.
Во Скопје, наутро студено со услови за појава на магла и ниска облачност. Преку денот сончево со мала до умерена облачност и со слаб северен ветер. Температурата ќе се движи од – 3 до 12 степени.
В вторник наутро ќе биде студено со услови за појава на магла по одделни котлини. Преку денот сончево со мала до умерена облачност. Ќе дува слаб до умерен ветер од југоисточен правец. Кон крајот на денот облачноста ќе се зголеми и во текот на ноќта во западните делови ќе има локален дожд, на планините снег.
Минималната температура ќе биде во интервал од – 6 до 0, а максималната ќе достигне од 10 до 16 степени.
Веќе во среда ќе имаме променливо облачно со повремени врнежи од дожд, наместа пообилни. Ќе дува засилен југоисточен ветер.
