Холивудскиот актер Леонардо Дикаприо го прослави својот 50-ти роденден.
Дикаприо одржа голема забава во својата приватна резиденција во Лос Анџелес, каде што присуствуваа само одбрани имиња од светската елита.
На забавата дојде и колегата на Дикаприо, Бред Пит, придружуван од неговата девојка Инес Де Рамон. Покрај него, меѓу гостите беа и режисерот Стивен Спилберг и неговата сопруга Кејт Кепшоу, како и актерот Роберт де Ниро.
Заедно со сите нив, меѓу гостите беа и Кети Пери и Орландо Блум, Џејми Фокс, Парис Хилтон, Марк Руфало, Кара Делевињ, Крис Рок, Тоби Мегваер и Џос Стоун.
На оваа роденденска забава присуствуваше и колешката на Дикаприо од „Титаник“, Кејт Винслет. Заедно со неа, меѓу елитните гости беа и ММА борецот Чак Лидел, Бенисио Дел Торо и Едвард Нортон. Според пишувањата на медиумите, за роденденското момче пеел легендарниот Стиви Вондер.
Присутно беше и семејството на Леонардо. Неговиот татко Џорџ Дикаприо ја донел сопругата Пеги, додека мајката на Лео, Ирмелин, нејзиниот сопруг Дејвид Вард. Големиот ден на актерот го засили и неговата 26-годишна девојка Виторија Черети, италијанска манекенка која со актерот веќе извесно време е во стабилна врска.
Иако со години се шпекулира дека Дикаприо ја остава секоја девојка откако ќе наполни 25 години, се чини дека Виторија долго време успеала да го освои неговото срце. Поради сето ова, неговите обожаватели шпекулираат дека овој холивудски ерген наскоро би можел да го изгуби статусот.
Гласините за венчавката ги подгреа и тоа што Италијанката е фотографирана во јавност со голем дијамантски прстен. Виторија веќе се омажи во 2020 година со италијанскиот диџеј Матео Милери. Не се знае дали се развеле, а манекенката се уште има заеднички фотографии со сопругот на Инстаграм, поради што многумина се прашуваат дали нивниот брак завршил поради Дикаприо.
