Наутро ќе биде студено со услови за појава на магла по одделни котлини. Во текот на денот времето денеска ќе биде сончево со мала до умерена локална облачност и претежно тивко.
Во Скопје наутро ќе има услови за појава на слаба магла, а преку денот ќе биде сончево со мала локална облачност и тивко. Максималната температура ќе достигне до 17-от степен.
До сабота ќе се задржи сончево време со мала до умерена локална облачност. По котлините ќе има појава на магла или ниска облачност, која само понекаде ќе остане подолготрајна.
Од УХМР најавуваат дека од недела времето ќе биде променливо облачно и постудено, на почетокот на следната недела наместа ќе има појава на повремен дожд, а на највисоките планини ќе има услови за краткотраен снег.
