Судот во Индија ја укина повеќедецениската забрана за увоз на романот Сатански стихови на Салман Ружди, а причината за исправање на долгогодишната неправда се граничи со бизарното. Имено, владата не може да ја најде оригиналната пресуда со која е изречена забраната, па судот заклучил дека тогаш забраната не е правосилна.
Индија беше меѓу првите земји што ја забранија книгата во 1988 година поради прикажувањето на исламот и пророкот Мухамед, што многу муслимани го сметаат за богохулно и што доведе до смртни закани кон британско-индискиот автор.
Забраната беше предмет на жалба во 2019 година поднесена против Централниот одбор за индиректни даноци и царини (CBIC) во Високиот суд во Делхи. Подносителот на барањето, Сандипан Кан, ја оспори уставната валидност на известувањето на CBIC од 1998 година со кое се забранува увозот на романот поради наводна богохулна содржина според индискиот царински закон од 1962 година, пренесува tportal.
Во својот апел, Кан тврдеше дека забраната ги нарушува уставните права на слобода на говор и изразување и побара дозвола за увоз на романот. Како дел од процесот, тој побарал копија од известувањето за забрана на книги, но бил информиран дека документот не може да се најде.
Во неколку наврати помеѓу мај 2019 и мај 2024 година, CBIC побара од Вишиот суд во Делхи повеќе време за да го пронајде документот. На крајот, на судот му било кажано дека „известувањето не може да се следи и затоа не може да се достави до судот“, покажува пресудата. На последното рочиште за ова прашање, кое се одржа оваа недела, Високиот суд во Делхи одлучи дека „нема опција освен да се претпостави дека такво известување не постои“.
„Следствено, подносителот на барањето ќе има право да ги преземе сите дејствија поврзани со споменатата книга според законот“, се вели во судската одлука објавена на 5 ноември, а тоа значи дека на луѓето во Индија ќе им биде дозволено да ги увезуваат „Сатански стихови, “, пишуваат индиските медиуми.
По објавувањето на Сатанските стихови, врховниот водач на Иран, ајатолахот Рухолах Хомеини, издаде фатва, или религиозен указ, повикувајќи ги муслиманите ширум светот да го убијат Ружди поради богохулење. Иако следната влада на претседателот Мухамед Хатами се огради од фатвата кон крајот на 1990-тите, таа никогаш не беше укината.
Писателот, роден во Индија, следната деценија ја помина криејќи се, а во последните години повремено се појавуваше во јавноста. Но, во август 2022 година, тој беше сериозно повреден кога беше нападнат од Хади Матар, шиит муслиман со либански корени, кој, покрај обидот за убиство и прободувањето, е обвинет од Големата порота за тероризам поради наводни врски со Хезболах.Како резултат на напад со нож на сцената во Њујорк, додека тој требаше да одржи предавање, Ружди беше заслепен во десното око, а левата рака беше тешко повредена. Годинава ги објави мемоарите „Нож: Медитации по обид за убиство“. Ружди минатиот месец рече дека пишува ново фикција, збир од три новели кои ќе бидат негови први публикации откако го преживеа нападот со нож во Њујорк во 2022 година.
