Вулкан во источна Индонезија повторно се активираше и исфрли пепел, два дена откако девет лица загинаа во ерупција.
Индонезиската агенција за вулканологија денеска извести за седум нови ерупции, а се формира пепел до висина од осум километри над вулканот Левотоби Лаки-Лаки.
Властите го подигнаа нивото на тревога на највисоко ниво, а жителите од околните градови ги напуштија своите домови.
Вулканот Левотоби Лаки-лаки, кој се наоѓа на островот Флорес, еруптираше во неделата исфрлајќи лава, вулканска пепел и вжештени карпи.
