Хрватскиот пејач Петар Грашо и неговата сопруга Хана добија второ дете.
Хана Хуљиќ утрово се породи со царски рез и роди момче.
Хрватските медиуми пишуваат дека родителите одлучиле на наследникот да му го дадат името Тони.
Како што пренесуваат хрватските медиуми, породувањето поминало добро, Хана се чувствува добро, а синот го крстиле по покојниот дедо на пејачот, со што родителите сакале да го зачуваат споменот на важна личност во животот на Грашо.
Потсетуваме, Петар Грашо и Хана Хуљиќ се венчаа во февруари 2022 година, а истата година ја добија и ќерката Алба. Иако се познати по тоа што го држат приватниот живот подалеку од очите на јавноста, овој момент го споделија со своите најблиски и обожаватели кои им испратија честитки.
