Млада девојка вчера попладне со автомобилот удрила возрасна жена на патот кон селото Горно Којнаре, по што повредената жена починала во болница. Во сообраќајката е повредена и девојката што возела.
„На 24.10.2024 во 16.25 часот во СВР Куманово е пријавено дека на локалниот пат кон Горно Којнаре, Кумановско, патничко возило сузуки со кумановски регистарски ознаки, управувано од С.П.(21) од селото Горно Којнаре, удрило во С.Ѓ.(77) од селото Матејче. Во несреќата со тешки телесни повреди се здобила С.Ѓ. констатирани во Општата болница Куманово, по што била пренесена во Комплексот клиники „Мајка Тереза, каде подоцна починала. Со телесни повреди се здобила С.П.“, соопшти полицијата.
Извршен е увид на местото на настанот.
