Командантот на КФОР, генерал Енрико Бардуани, разговараше во Приштина со косовскиот премиер Аљбин Курти за безбедноста и намалувањето на тензиите во Косово, објави мисијата.
Италијанскиот генерал на состанокот рече дека КФОР „ќе продолжи да придонесува за безбедна средина, како и слобода на движење во секое време и непристрасно за сите луѓе и заедници кои живеат на Косово“, објави порталот Косев.
Бардуани изјави дека КФОР целосно го поддржува дијалогот меѓу Белград и Приштина со посредство на ЕУ, како единствена платформа за решавање на отворените прашања.
„Ова е клучно за трајната безбедност на цело Косово, како и за регионалната стабилност“, рече командантот на КФОР.
