Високо ниво на афлатоксин
Станува збор за суви смокви во кои е пронајдено високо ниво на афлатоксин. Најмногу испораки отишле во Италија, Франција и Бугарија. За среќа биле запрени на граница. Меѓутоа, во Германија, афлатоксинот е пронајден во сувите смокви при официјална контрола на продажните места, пишува danica.hr.
Во Хрватска, годинава, забележан е и случај на афлатоксин пронајден во суви смокви кои дошле од Турција на хрватскиот пазар. Но, на граница е извршена мостра контрола и наредено е нивно уништување.
Според одлуката на ЕУ, ниту најмала количина на афлатоксин не е дозволена во прехранбените производи кои се увезуваат на европскиот пазар. Во известувањата на европскиот систем за безбедност на храна секогаш се наведува дека ризикот по здравјето е сериозен.
Сепак, ова не е прв хрватски случај на откриени афлатоксини во суви смокви од Турција. Еднаш не спасија бугарски инспектори кои на граница запреа пратка наменета за Хрватска. Вториот пат турските смокви преку фирма од Хрватска завршија во Словенија.
Ризик од развој на опасни болести
Афлатоксините, инаку, се група на габични токсини кои предизвикуваат сериозни оштетувања на здравјето на луѓето, особено на црниот дроб. Акутните труења се нарекуваат афлатоксикоза и може да доведат до откажување на црниот дроб и смрт. Експериментите на лабораториски животни покажаа сериозен ризик од развој на рак на црниот дроб со поголема изложеност на афлатоксини.
И затоа, доколку купувате суви смокви во продавниците, задолжително добро погледнете ја земјата на потекло. Проблемите со турските смокви очигледно не се изолиран инцидент.
