Пластичните ќесиња и пластиката за еднократна употреба од денеска се забранети за употреба во Црна Гора, согласно Законот за управување со отпад, објави порталот Данас.
За непочитување на таа законска одредба се предвидени казни од 1.000 од 40.000 евра
Законот за управување со отпад стапи на сила на 20 април, а примената на поединечните одредби, вклучително и оние кои се однесуваат на пластичните ќесиња и пластиката за еднократна употреба, е предвидена за 6 месеци од денот на стапување во сила.
Според законот, забранета е употреба на лесни пластични ќесиња за носење, со дебелина на ѕидот од 15 до 50 микрони, на продажното место на стоки или производи.
За ќесиња со дебелина на ѕидот поголема од 50 микрони се плаќа такса од 0,03 евра.
Покрај најлонските ќесиња, забранети се и пластични сламки, но и пластични прибор за јадење и одредени кутии за пакување на храна.
Законот предвидува и посебни давачки за депонирање на мешан комунален отпад бидејќи целта е да се намали депонирањето на отпадот на депониите.
