Првиот човек на Регулаторната комисија за енергетика Марко Бислимоски предлага регионот да основа сопствена голема берза за струја на која ќе се отсликува состојбата со струјата на регионот за да се одбегнат состојби како онаа од пред неколку недели кога цената на струјата во регионот беше 3 пати повисока од онаа во западноевропските земји, бидејќи на берзата ХУПЕКС во Унгарија
– Сите берзи во регионот се реферираат на цената на берзата ХУПЕКС од Унгарија на која покрај играчи од регионот, тргуваат играчи од средна Европа и од Австрија, и сметам дека ние како регион конечно треба да се договориме да направиме една наша голема берза која ќе ги отсликува нашите состојби со цел да ги одбегнеме влијанијата од надвор. Верувам дека ќе ги надминеме себичното реагирање при организирање вакви регионални проекти и ќе се водиме од искуствата од ова лето и ќе сфатиме дека ако имаме една берза ќе се намалат трошоците што ги прават берзите на сите земји од регионот кои се мали пазари за струја. Таа берза ќе има поголем обем на тргување и ќе биде поинтересна за тргувачите со струја – вели Бислимоски.
Тој рече дека од Европската енергетска заедница добиле објаснување дека причини за големата разлика на цените на струјата во регионот и остатокот од Европа биле високите температури поради што била затворена нуклеарката во Романија, како и проблеми во прекуграничните преносни капацитети на регионот.
Бислимоски, како што рече, не се согласува со ова образложение и очекува вистинските причини да се направат по состанокот на регулаторните тела во рамки на Европската енергетска заедница која ќе се одржи наскоро.
