Запленети се повеќе од 70 милиони евра имот на двајца руски олигарси во Франција
Судот на југот на Франција заплени имот вреден повеќе од 70 милиони евра во сопственост на двајца бизнисмени со руско потекло како дел од истрагата за сомневање за перење пари, дознава агенцијата Франс прес од извор близок до случајот.
Ова претходно го објави францускиот весник Монд.
Прелиминарната истрага отворена во март на иницијатива на истражниот оддел во Париз заврши во септември со конфискација на имот од 22,5 хектари во Грас и луксузни вили во Сан Рафаел и Гримо, изјави истиот извор.
Истрагата утврдила силно сомнение за прикривање на потеклото на средствата користени за набавка на таа стока, вели изворот.
