Шкотскиот диџеј и продуцент Џек Ревил, попознат како Џекмастер, почина на 38-годишна возраст, потврди неговото семејство.
Диџејот починал додека бил на Ибица во саботата, на 12 октомври, по „компликациите настанати од случајна повреда на главата“.
Во објавеното соопштение се наведува: „Со длабока тага ја потврдуваме прераната смрт на Џек Ревил, на многумина познат како Џекмастер. Џек трагично почина на Ибица утрото на 12 октомври, по компликации од случајна повреда на главата“.
„Неговото семејство, Кејт, Шон и Џони, се целосно со скршени срца. Иако длабоко трогнато од огромната поддршка од пријателите, колегите и обожавателите, семејството љубезно бара приватност додека се соочува со огромната тага од оваа катастрофална загуба.
Џек е роден во Глазгов и работел во озлогласената продавница за плочи „Рубадуб“. Тој стана ко-основач на издавачката куќа „Намбрс“. Неодамна го објави синглот „Nitro“.
Тој изјави за музичкиот магазин „Електроник грув“: „Се работеше за чувството на возбуда и инспирација во клубот. За жал, тие моменти се ретки сега. Мислам дека се виновни телефоните и луѓето кои не танцуваат“.
„Многу сум им благодарен на моите обожаватели, но влегов во музиката затоа што сакам да танцувам. Мислам дека тоа е изгубена форма на уметност во моментов“.
„Електроник дуп дисклозер и оддаде почит на ѕвездата. Тие на социјалните мрежи напишаа: „Не можеме да веруваме. Нашите срца се скршени. Ти благодариме за сите прекрасни спомени и инспирација Џек. Ова е едноставно ужасно“.
