Во Србија јавните личности како што се актери, спортисти, музичари, политичари, инфлуенсери и други, нема да можат да учествуваат во реклами кои промовираат посебни игри на среќа. Ова го предвидуваат измените на два закона кои ги подготви српската влада.
Станува збор за измени на Законот за огласување, кој е на јавна расправа и Законот за игри на среќа.
Причина за ваквата забрана, се наведува во образложението на измените на законите е тоа што овие лица имаат способност да влијаат на одлуки за купување на други лица, поради нивната вистинска или претпоставена овластување, знаење или позиција.
Со овие измени, ако се донесат, како што пишуваат српските медиуми, се погодуваат голем број актери, спортисти и естрадни уметници кои сега заработуваат од рекламите. во овие реклами се појавуваа бројни имиња на актерската сцена како Раде Шербеџија, Милош Биковиќ, Радослав Миленковиќ… и естрадните ѕвезди како Северина Вучковиќ, Александар Вуксановиќ попознат како Аца Лукас, групата Ураган и други.
Покрај нив, во актерството се пробаа и бројни спортски личности за време на снимањето на реклами за различни обложувалници. Најголемо име секако е српскиот кошаркар Никола Јокиќ, потоа уште еден српски центар Бобан Марјановиќ, а во рекламите се најде и Душан Дуле Савиќ.
Новото правило не ги опфаќа само активните спортисти и спортските клубови и друштва, кои се спонзорирани од промотори на игри на среќа кои рекламираат.
Законот во Србија прави разлика помеѓу класични и посебни игри на среќа. Класичните игри вклучуваат лото, бинго и слично, додека специјалните игри вклучуваат обложување на спортски и други настани, автомати и игри со карти.
Со Законот за рекламирање, ќе биде забрането рекламирање на класични игри на среќа на отворен простор. рекламирањето на специјалните игри, ќе биде забрането на отворени простори, вклучувајќи автобуси, такси и сите други возила, надвор и внатре, преку билборди, постери, дисплеи, осветлени реклами и слично.
Рекламирањето на посебни игри на среќа е забрането на сите телевизии, освен за време на емитување на спортски настани, а е забрането рекламирање на овие игри на среќа во содржината на интернет порталите и на Google и на YouTube.
Светлечките реклами се забрануваат секаде освен во просториите за игри на среќа.
