Најмалку 13 лица се повредени во нередите во Тирана за време на демонстрациите на десничарската опозиција со барање за оставка од албанскиот премиер Еди Рама.
Полицијата соопшти дека најмалку 10 полицајци се повредени, додека тројца од демонстрантите се повредени, пренесе АФП.
На протестот се собраа неколку илјади луѓе на покана на десничарската опозиција.
Демонстрантите се обидоа да го пробијат полицискиот кордон и фрлија молотови коктели врз седиштето на Социјалистичката партија на Еди Рама и зградата на МВР.
Демонстрантите бараат оставка од премиерот и формирање на привремена влада до парламентарните избори закажани за следната година.
