Амнести интернешнел (АИ) апелираше до властите на Црна Гора и Словенија да спречат бродот „МВ Катрин“ да се закотви до пристаништата во Копар и во Бар. Европските медиуми пишуваат дека германскиот товарен брод која патува под португалско знаме пренсува 60 контејнери со експлозиви ТНТ и осум контејнери со експлозиви Хексоген кои наводно треба да му бидат доставени на Израел, пренесува Ал Џезира.
Според експертите Хексоген е клучна компонента во израелското производство на муниција и бомби. Амнести Интернешнел наведува дека не е јасно како товарот потоа би бил пренесен во Израел.
– Смртоносниот товар, за кој се верува дека е на бродот „МВ Катрин“, не смее да стигне до Израел поради очигледната опасност дека ќе придонесе за извршување на воени злосторства против палестинските цивили – рече началничката на Амнести Интернешнел Словенија, Наташа Посел.
Според неа „Намибија со право ги исполни своите меѓународни обврски да обезбеди воениот товар на ‘МВ Катрин’ да не биде префрлен во Израел. Сега останува на Словенија, Црна Гора и на сите други земји да го направат истото и да спречат реализација на тој незаконски трансфер“.
„МВ Катрин“ отплови од Виетнам, беше сопрен во Намибија под притисок на активисти кои го забележале, а моментално се наоѓа во меѓународни води недалеку од хрватскиот остров Ластово во јужниот дел на Јадранот.
Црногорските медиуми, меѓу кои и порталот на Радиотелевизија на Црна Гора објавија дека е повлечена дозволата за закотвување во Бар, а тој може да се закотви во хрватското пристаниште Плоче.
Словенија очекува бродот да се закотви во пристаништето Копар. Денеска директорот на Поморската управа на Словенија, Јадран Клинец, кој е во контакт со управата на бродот, за локалната новинска агенција СТА потврдил дека „МВ Катрин“ треба да се закотви во Бар, а потоа во Копер.
Управата наведува дека товарот потоа треба да биде префрлен во Полска, Чешка и Словачка, пишува СТА.
Јадран Клинец ја потврди и намерата на сопственикот на бродот да го смени знамето под кое плови и дека сè уште не е завршена транзицијата од португалски во регистар на друга земја.
– Бродот веќе нема да плови под португалско знаме, приказната е завршена“ – вели извор за порталот Португал Резидент, додавајќи дека процесот ќе трае неколку дена.
Додека не заврши процесот, бродот не може никаде да се закотви. Официјален Лисабон, гласен критичар на едногодишната израелска војна против Газа, се најде под силен притисок да го отстрани португалското знаме откако властите во африканската држава Намибија одбија да дозволат приклучување на бродот овој август.
„МВ Катрин“ беше опкружен со контроверзии откако го напушти Виетнам на крајот на јули. Според порталите, по Виетнам, тој наполнил гориво во Сингапур, а потоа преку Индискиот Океан отпловил до Африка. Активистите го забележале бродот кога тој побарал согласност во Намибија кон крајот на август и успешно извршиле притисок врз властите да го запрат.
Неколку дена подоцна, Албанец објави дека бродот содржел осум контејнери со експлозиви „наводни клучни компоненти за воздушни бомби и проектили“ што ги користи Израел. Минатата недела МВ Катрин наполни гориво во Малта, островска држава во Средоземното Море, и се упати кон Јадранското Море со цел да се закотви во црногорското пристаниште Бар.
