Два брода со мигранти од Африка потонаа во Црвеното Море во близина на брегот на Џибути, при што загинаа 45 лица, објави агенцијата за миграција на ОН.
Бродовите тргнаа од Јемен со 310 луѓе.
Агенцијата на ОН, која помогна во потрагата и спасувањето, на платформата Х објави дека се спасени 32 преживеани.
Крајбрежната стража на Џибути соопшти дека трагедијата се случила на 150 метри од плажата во близина на северозападниот регион Хор Ангар.
Се наведува дека во тек е заеднички спасувачки напор и дека 115 преживеани биле спасени.
„Остануваме посветени на пронаоѓање на исчезнати лица и обезбедување безбедност на преживеаните“, се вели во соопштението на агенцијата објавено на социјалните мрежи.
Илјадници мигранти од африканските, блискоисточните и јужноазиските земји, кои бараат подобар живот, секоја година се обидуваат илегално да влезат во Европа.
Шверцерите, во трка по пари, неволно ги полнат бродовите со луѓе и ги доведуваат во опасност.
