Јужнокорејската полиција уапси севернокорејски дезертер кој се обидел да се врати во Северна Кореја во украден автобус, јави Би-Би-Си.
Мажот бил фатен вчера на Мостот на обединување што ги дели двете држави откако ги игнорирал војниците кои побарале од него да застане, а потоа го удрил автобусот во барикада.
Тој на полицијата ѝ рекол дека сака да се врати во Северна Кореја откако доживеал тешкотии на југот, јавуваат јужнокорејските медиуми. Тој, наводно, ја напуштил Северна Кореја пред 10 години.
Утврдено е дека во моментот на инцидентот не бил под дејство на алкохол или на дрога.
