Српската пејачка Александра Пријовиќ која стана регионална ѕвезда, ќе ја заврши својата концертна турнеја „Од исток до запад“ на 22 декември таму каде што ја започна, во белградска „Арена“.
По завршувањето на спектакуларната турнеја, таа планира одредено време да се „пензионира“, односно да се повлече од очите на јавноста и да се посвети на создавање на нови песни и на своето семејство.
– Следната година е идеална за одмор и за креативна работа – рече таа.
Александра е во брак со Филип Живојиновиќ, кој ѝ помага во музичката кариера.
Освен за музика, пејачката размислува и за проширување на семејството:
– Да се прашуваше нашиот син, друштвото одамна требаше да дојде. Значи, веројатно е време – вели Пријовиќ.
Во врска со неодамнешното медиумско внимание околу снимката на нејзиниот сопруг со пејачката Сандра Африка, Александра коментира:
– Навикнати сме на вакви натписи, но тоа не значи дека е лесно. Нашето семејство е често на мета, но секогаш сме тука еден за друг – признава Александра за Блиц.
