Српската пејачка Наташа Беквалац го слави својот 44-ти роденден, а со своите следбеници сподели специјално изненадување што и го подготвија најблиските.
Наташа Беквалац го прославува својот 44-ти роденден, овој пат на Ибица со избрана група луѓе. Пејачката отпатува со својата сестра Кристина, нејзината ќерка Петра и со својата постара ќерка Хана.
Таа претходно објави фотографија од нив пред да заминат за Ибица, Шпанија, а потоа се пофали со специјалното изненадување што и го приредиле на роденденот.
Нејзиното семејство на најдобар можен начин и го разубави роденденското утро, во хотелската соба ја чекале шампањ, балони и подароци, а Наташа сето тоа го сподели со своите следбеници.
„Ви благодарам за сите прекрасни желби, честитки, ви благодарам за љубовта што ја чувствувам секој ден. Сепак, животот е највредниот подарок и затоа одлучив секој ден да го поминам во радост, благодарност и насмевка со моите деца, семејството, прекрасните пријатели и луѓето кои ги обожавам“, напиша таа во описот на објавата.
Инаку, Наташа е позната по тоа што секоја година за својот роденден избира по една светска дестинација за славење – Миконос, Ибица…
