Амбасадорот на Русија во Полска, Сергеј Андреев, беше погоден со црвена боја на годишниот настан на Денот на победата во чест на крајот на Втората светска војна, покажува видео објавено на Твитер.
Дипломатот и неколку случајни минувачи беа натопени со црвена боја додека Андреев се обидуваше да положи венец на гробиштата на советските војници во Варшава, пренесува Њузвик.
На видеото снимено кратко по инцидентот се гледа како лицето на Андреев е покриен со супстанцијата, а се гледа како тој се обидува да ја избрише течноста од очите. Амбасадорот потоа бил принуден да ја напушти областа во придружба на полициски службеници.
Денот на победата над фашизмот годинава предизвика разни реакции низ Европа во контекст на руско-украинската војна. Додека во Москва Путин имаше изненадувачи краток говор и беа откажани акробациите на авионите, во Киев сам по улиците шеташе Зеленски велејќи дека Украина нема да ѝ отстапи ни дел од својата територија на Русија.
