Најмалку 16 цивили се ранети, меѓу кои и едно 15-годишно момче, во руски воздушен напад врз југоисточниот град Запорожје доцна во неделата, соопштија украинските власти во понеделникот, пренесе Ројтерс.
Гувернерот на Запорожје, Иван Федоров, на Телеграм изјави дека Русија извршила најмалку 7 напади врз градот и врз околните области и оштетила 13 станбени згради, образовни институции, автомобили, гаражи и приватни станови.
Спасувачите ги евакуираа жителите од неколку оштетени станбени згради, соопшти украинското Министерство за внатрешни работи на Телеграм.
Министерството за внатрешни работи на Украина соопшти дека, според прелиминарните информации, Русија користела воздушни бомби во нападот на Запорожје.
Украинската агенција наведува дека во текот на вчерашниот ден руските сили извршиле вкупно 363 удари врз 12 населени места во областа Запорожје.
Засега нема коментар од Русија.
