Руската воена команда го предвидела украинскиот упад во нејзиниот регион Курск и правела планови да го спречи тоа веќе неколку месеци. Вака сугерираат документи што украинската армија соопшти дека ги запленила од напуштените руски позиции во регионот.
Британски „Гардијан“ имал увид во документите. Во нив може да се види хаосот во руската војска откако Укрианците ја преминаа границата и за првпат нападнаа руска територија на почетокот на август. Москва била загрижена и за моралот на војската откако руски војник се самоубил на фронтот.
На командантите на единиците им било речено секојдневно да ги следат руската телевизија и државните медиуми за да ја одржат својата „психолошка состојба“, откриваат документите.
„Гардијан“ ги добил овие списи од украински тим за специјални операции во август. Сепак, автентичноста на документите не е потврдена.
Тимот рекол дека зеl документи од руското Министерство за внатрешни работи, ФСБ и од руската армијата, а ги нашол документите во згради во Курск. Некои од документите се печатени нарачки дистрибуирани до различни единици, додека други се рачно напишани дневници кои снимаат настани и проблеми на одредени позиции.
УКРАИНСКАТА СТРАТЕГИЈА УСПЕА? 40.000 руски војници се пренасочија кон Курск
Најраните записи се датирани до крајот на 2023 година, додека најновите документи се од само шест недели пред Украина да го започне својот упад во регионот Курск на 6 август. Документите главно доаѓаат од единиците на рускиот 488-ми гардиски полк со моторизирана пушка, а особено од втората чета на нејзиниот 17-ти баталјон.
Упадот на Украина во Курск ги изненади западните партнери на Киев. Истовремено, беа изненадени и многумина во украинската елита, бидејќи планот го правеле мал број луѓе, пишува „Гардијан“.
Предупредувања за можниот упад имало речиси секој месец, а бил предвиден и можниот упад во градот Суџа, кој сега е под украински окупација.
Во едно од многуте предурпедувања, документ од 19 февруари, командантите на единиците биле предупредени за украинските планови за „брзо туркање од регионот Суми на руска територија, до длабочина од 80 километри, за да се воспостави четиридневен „коридор“ пред пристигнувањето на главните единици на украинската армија на оклопни возила“.
СЕ СПРЕМА КРВАВА БИТКА ВО ПОКРОВСК „Ова ќе ја реши судбината на Доњецк“
Кога се случи украинскиот напад на 6 август, многу руски војници ги напуштија своите позиции и за една недела Украина ја презеде целосната контрола над Суџа.
Неодамна, руските сили почнаа контраофанзива во Курск полека напредувајќи во одредени села. Синоќа, украинскиот претседател Володимир Зеленски изјави дека околу 40.000 руски војници се пренасочени од украинскиот фронт во правец на Курск.
Додека се одигруваат битките во Курск, клучниот град Покровск во Доњецк во Источна Украина очекува крвава борба која можеби да биде врв на руските успеси во овој регион. Заминувањето на украински војници од Покровск кои беа прераспоредени во офанзивата во Курск беше дочекано на нож од домашните критичари во Украина и пошироко, кои тогаш тврдеа дека Зеленски го оставил градот на цедило.
