Шпанскиот тенор Хозе Карерас синоќа ја воодушеви публиката на спектакуларниот концерт во белградскиот „Сава центар“, придружуван од Оперскиот оркестар на Српскиот народен театар од Нови Сад, под диригентство на Давид Хименез.
Овој легендарен оперски пејач по повеќе од 15 години се врати на белградската публика и изведе низа неаполски песни, оперети и бродвејски мелодии оставајќи ја публиката без здив.
Концертот во организација на Скајмјузик, кој е дел од фестивалот Класико, започна со воведниот број „L’arlesienne suite farandole“ во изведба на оркестарот, по што на сцената се појави Карерас и ги изведе песните „Chitarra Romana“ и „Vurria“. Посебен момент на вечерта беше изведбата на познатата арија „Faust. Ah! Je ris de me voir si belle“, во изведба на специјалната гостинка, сопранистката Душица Бијелиќ.
Првиот дел од програмата го одбележа емотивниот дует на Карерас и Бијелиќ во изведбата на песната „Moon River“, што дополнително придонесе за атмосфера исполнета со емоции и силни вокални интерпретации.
Оркестарот се истакна во изведбата на Штраусовата „Die Fledermaus, увертира“, додека Душица Бијелиќ ја воодушеви публиката со германскиот број „Meine Lippen Sie Kussen“. Таа заедно со Карерас го отпеа незаборавниот дует „Non Ti Scordar Di Me“, кој предизвика громогласен аплауз.
На самиот крај, Карерас ја изведе познатата „O Sole Mio“, а на задоволство на полната сала уметниците се вратија на сцената и на публиката и подарија уште неколку арии. Публиката неколкупати им поради повеќеминутен аплауз.
фото: телеграф.рс
