Талибанците ја стопираа кампањата за вакцинација против детска парализа (полимиелитис) во Авганистан, соопштија денеска Обединетите нации.
Обединетите нации не наведуваат причина за суспензија на вакцинацијата, а ниту, пак, Талибанците ја коментираа одлуката.
Талибанците ја прекинаа вакцинацијата непосредно пред септемвриската кампања за имунизација.
Авганистан и Пакистан се единствените 2 држави во кои никогаш не е запрено ширењето на потенцијално фаталната болест.
Во Пакистан, пак, за време на вакцинацијата постојано има насилство. Милитантите ги напаѓаат тимовите за имунизација и полицијата, која ги чува, лажно тврдејќи оти вакцината е западна завера за стерилизација на децата.
