Граѓаните во сабота ќе можат да забележат зголемен број возила на ЕУФОР на патиштата од базата Бутмир во Сараево до граничните премини Метаљка и Свилај, информираат денеска од ЕУФОР.
Дополнително, поинтензивни движења на ЕУФОР ќе бидат забележливи меѓу Чапљина и граничниот премин Клобук.
„Овие транспорти се поврзани со заминувањето на резервните сили од Австрија, Романија и Унгарија кои пристигнаа во текот на август, а по завршувањето на нашата годишна вежба „Брз одговор 24“ тие се враќаат во своите домови“, соопшти ЕУФОР.
Граѓаните ќе можат да го забележат зголемениот број на лесни и тешки оклопни возила на ЕУФОР кои учествуваа во вежбата.
„ЕУФОР е силен, способен и доверлив партнер на властите во БиХ, посветен на обезбедување помош за одржување на безбедна и стабилна средина“, рече ЕУФОР.
