Завршен е прегледот на камерите по налог на вишото јавно обвинителство во Зајечар и на снимките од куќите во Бањско Поље каде што последен пат е видена Данка Илиќ, како и на оние од зградата во Бор каде живеше со родителите, како и оние пред вратата од нивниот дом, пишува Вечерњи лист.
На снимката пред вратата на семејниот дом се гледа моментот кога мајката на Ивана излегува од станот и влегува во лифтот на зградата со двете деца, а камерата на зградата го снимила делот кога Ивана ги става Данка и нејзиниот брат во автомобилот и заедно со нив тргнува во правец на Бањско Поље.
Сѐ што снимиле камерите било споредувано со изјавите на родителите на девојчето и ништо чудно не било забележано.
Камерите во Бањско Поље го снимиле службеното возило во кое биле осомничените, а резултатите од досегашното вештачење на службениот автомобил покажале дека во него не е пронајдена ДНК на детето. Вештачењата на движењата на осомничените не донеле ништо значајно за истрагата.
Адвокатот Тома Фила стравува дека осомничените наскоро би можеле да бидат пуштени на слобода ако не се покрене обвинение, пишува српски Телеграф.
