Утрово на пат кон редовниот тренинг сообраќајна несреќа доживеал тренерот на македонскиот второлигаш Башкими со уште двајца фудбалери.
Од клубот објавија дека возилото во кое биле тренерот Баже Јанакиевски и фудбалерите Мемет Ризахазма и Боријан Пановски излетало од патот.
Двајцата фудбалери поминале со полесни повреди, додека, пак, само тренерот Јанакиевски се здобил со тешки телесни повреди, соопшто ФК „Башкими“.
„На пат кон редовниот тренинг, тренерот на првиот тим Баже Јанакиевски, како и нашите фудбалери Мемет Ризахамза и Боријан Пановски на влезот во Куманово имаа сообраќајна несреќа, која за нивна среќа поминаа без тешки повреди. Нешто посериозни повреди има тренерот Јанакиевски“, објави Башкими.
