Деновиве една пријателка која во моментов е бремена ни раскажа една случка од салонот кадешто оди на маникир.
Вели, имаше неколку жени и додека ме распрашуваа околу бременоста, една од нив ме праша: Знаеш ли дека не смееш да имаш надградба на нокти кога ќе одиш да се пораѓаш?
И веднаш продолжи да ми објаснува зошто: За да не го гребеш докторот!
Ние останатите останавме со подзинати усти. Јас очекував да ми го раскаже она што веќе го знам. Дека дури и по најидеалната бременост може да дојде до компликации за време на породувањето, особено при царски рез и дека тогаш бојата на ноктите е првото што ќе покаже дека нешто не е во ред. Односно, дека токму затоа не треба да се оди со лакирани нокти на породувањето, но и дека не е добро да се прави надградба затоа што може да се случи да има потреба да се стави на прстот пулсен оксиметар, мал уред кој ја мери сатурацијата, односно, нивото на кислород во крвта. Ако жената има вештачки нокти или дебел слој гел-лак, овој уред нема да ги покаже точните вредности.
Прочитајте повеќе на порталот „Мајка и дете“.
