Таткото на младото момче Јанис – кое загина во трагедијата на Халкидики, Пефкохори, при дефект на вртелешка – бил во Атина кога се случила несреќата, а сега им е гневен на локалните власти, пренесува порталот „Прототема“.
Случајот со смртта на младото момче Јанис (19), кое загина поради дефект на вртелешка, односно му пукнало седиштето, поради што тоа испаднало и го скршило вратот, продолжува да привлекува големо медиумско внимание во Грција.
Несреќниот млад човек бил во забавниот парк со својата мајка и двајцата помали браќа кога се случила несреќата. Еден од браќата бил со него на вртелешката и тој успеал да се задржи, додека неговата мајка и уште еден брат биле сведоци на трагедијата.
– Доколку виновниците не се најдат веднаш, јас, како родител кој ги чувал децата сите овие години од моментот кога се родиле, ќе ги најдам и ќе ги казнам. Ова семејство и оваа куќа се затворени. Бевме многу блиски. Децата израснаа. Моето момче го нема. Неговата слика никогаш нема да нѐ остави. Секој викенд одев да ги гледам, бескрајни години на улица. Други ми го земаа детето – рече таткото на загинатото момче.
Мајката на Јанис е огорчена.
– Мојот Јанис беше висок 2 метра. Тој секогаш се наведнуваше да ме бакне, а сега се наведнувам да го бакнам. Слушнав дека градоначалникот на Касандра направил некои промени. Дали моето дете требаше да умре за да се случи тоа? – праша таа.
Сопственикот на забавниот парк во Пефкохори немал дозвола за работа, а му било забрането да го постави паркот бидејќи ги немал потребните сертификати за апаратите.
