Пејачката Александра Пријовиќ одржа концерт во средата во Врњачка бања. Меѓутоа, во текот на концертот се случи една ситуација која ја загрижи пејачката, па на момент го прекина настапот.
Александра забележала дека на една девојка од првиот ред и се слошило и дека и е потребна помош. Таа повикала обезбедувањето да и помогне на девојката, а потоа предложила и самата таа да се симне од бината.
– Има ли некој овде што може да помогне? Одам надолу. Исклучете ги светлата на бината, ништо не гледам – им порачала Александра преку микрофонот на организаторите.
Обезбедувањето веднаш отишло кај девојката и ја одвело до Брзата помош за да и укаже лекарска помош.
Пејачката продолжила да пее откако реагирало обезбедувањето. Во еден момент од концертот, Александра и се обратила на мајката на својот сопруг Филип Живојиновиќ да ја поздрави, но и до луѓето кои дојдоа да ја слушаат дури од Канада.
Концертот на Александра доцнеше, а таа почувствува потреба да и објасни на публиката и зошто.
– Извинете што доцневме, не е до нас, се направи голема гужва напред. Многу ми е жал што застанавте на оваа горештина – и порача пејачката на публиката.
Во текот на целиот концерт публиката играла и пеела заедно со Александра на нејзините најголеми хитови.
