Околу 25 тони вода, загадена со радиоактивен отпад, истече од блок 2 на јапонската нуклеарна централа Фукушима-1, објавија утринава јапонските медиуми, а пренесува порталот Рипорт.аз.
Увидот на зградата на реакторот откри дека околу 25 тони вода истекле во подрумите преку канализацијата. Не е откриено надворешно истекување.
Се наведува дека робот ќе се користи за подетален преглед.
Нуклеарната катастрофа во 2011 година во нуклеарната централа Фукушима-1 беше предизвикана од цунами предизвикано од земјотрес што ги уништи генераторите за итни случаи кои обезбедуваат енергија за ладење на реакторите.
Плановите предвидуваат нуклеарниот објект целосно да биде деактивиран до 2050 година.
