Телото, најверојатно на 60-годишна жена, е пронајдено во изгорена фабрика во еден од неколкуте големи пожари што ги зафатија североисточните предградија на грчката престолнина, јави агенцијата АНА.
Телото е откриено во фабриката „Патима Халандрио“ во општината Атина чии 70.000 жители вчера беа делумно евакуирани.
Стотици пожарникари денеска продолжуваат да се борат против пожарот, кој го разгоруваше силниот ветер, а на некои места достигна висина од 25 метри и формираше „огнен фронт“ од околу 30 километри, јави државната телевизија ЕРТ.
Пожарот, кој покрива дел од главниот град со чад, започна во неделата попладне во Варанвас, 35 километри североисточно од Атина, а неговото брзо ширење ја натера Грција да апелира за помош.
Грција побара помош од други земји, активирајќи го заедничкиот механизам за цивилна заштита воспоставен од Европската Унија.
Помош доаѓа од ЕУ, Турција и Србија
Се очекува денеска да пристигне помош од неколку земји од ЕУ, како и од Турција и Србија, пишува Франс прес.
Француската агенција Франс прес јави дека првиот контингент од 91 пожарникар рано утринава заминал од југоисточна Франција со неколку противпожарни возила за Грција, каде има голем пожар на приодот кон главниот град Атина. Тие се дел од околу 180 пожарникари и спасувачи, но и околу 55 камиони испратени да и помогнат на Рчка во рамките на механизмот за цивилна заштита на Европската унија формиран во 2001 година. Нивното испраќање вчера го соопшти францускиот министер за внатрешни работи Жералд Дарманен.
Огромен пожар на северната периферија на Атина вчера излета од контрола под влијание на ветрови кои ги попречија напорите на стотици пожарникари и „канадски“ авиони да го контролираат огнената стихија, па евакуацијата на неколку области во близина на главниот град на Грција беше објави.
Пожарот, кој брзо се шири, фрли пламен висок дури 25 метри.
