Променливо облачно време, попладне на повеќе места нестабилно со пороен дожд и грмежи, локално во форма на краткотрајно невреме со интензивен пороен дожд, силен ветер и услови за појава на град, најавуваат од УХМР.
Долж Повардарието повремено ќе засилува северен до северозападен ветер. Минималната температура ќе падне до 13 степени, а максималната ќе се движи во интервал од 26 до 37 степени.
Во Скопје времето денеска ќе биде променливо облачно и нестабилно со повремен пороен дожд и грмежи, а во делови од котлината ќе има услови за краткотрајно невреме. Температурата ќе биде од 21 до 34 степени.
