Пејачката Лепа Брена на својот инстаграм-профил јавно му го честиташе роденденот на својот сопруг Слободан Боба Живојиновиќ.
Имено, Лепа Брена ги сподели нивните семејни спомени, заедно со кои симболично ја постави својата песна: „Јс немам други дом“.
„Среќен роденден љубов моја! Те сакам“, напишала Брена под видеото, а честитките на бројните пријатели, колеги и обожаватели само се нижат.
„Среќен роденден на легендата од срце и да прославиме на Хвар“, напиша пејачката Нина Бадриќ, а во коментарите среќа му посакаа и други естрадни личности – Милица Тодоровиќ, Тијана Дапчевиќ, Сања Ѓорѓевиќ и други.
Брена и Боба беа во врска четири години пред да одлучат да се венчаат, а пејачката еднаш ја откри тајната на успешниот брак.
– Јас и Боба се запознавме пред 35 години и сето тоа време си бевме еден на друг дом, безбедно место каде што можеме да дојдеме такви какви што сме и каде никој не нè испрашува – изјавила Брена во една прилика. Како што рекла пејачката, љубовта е љубов само кога се споделува со некого.
– Љубовта е поголема кога се дели, грижете се еден за друг, верувајте си себеси за да им верувате и на другите, почитувајте се и грижете се еден за друг. Секој ден – изјавила Брена, па додала:
– Љубовта е комбинација од грижа, посветеност, знаење, одговорност, почит и доверба. Кога двајца луѓе се свесни дека не можат и не треба да го променат другиот, но дека секогаш можат да му помогнат на другиот да најде сила да напредува и да биде подобар, тогаш се случува растот – изјави Брена.
Инаку, познато е дека Лепа Брена не летува работејќи како повеќето нејзини колешки, туку има по неколку настапи месечно, а во меѓувреме таа и нејзиниот сопруг посетуваат егзотични дестинации на својата јахта.
