Аферата „Профумо“ во 60-тите години на минатиот век ја потресе цела Велика Британија, а во сè беше вмешан и покојниот принц Филип, чие име се уште е наведено во тајните документи на ФБИ.
Принцот Филип, сопругот на кралицата Елизабета, беше именуван во строго тајните документи на ФБИ за аферата Профумо во раните 1960-ти.
На ФБИ тогаш му беше кажано дека војводата од Единбург лично бил вмешан во врска со Кристин Килер и Менди Рајс-Дејвис, двете млади жени во центарот на секс-скандалот што ја собори владата во тоа време.
Досиејата од американското Министерство за правда покажуваат дека клучниот меморандум го напишал Џеј Едгар Хувер, тогашен директор на ФБИ, пишува Дејли мејл.
Еве што се случи. Во центарот на скандалот беше оженетиот државен секретар за војна, Џон Профумо, кој во 1963 година негираше дека имал секс со тинејџерката Килер.
Тој беше принуден да поднесе оставка неколку месеци подоцна кога доказите за аферата се појавија во јавноста, според шоубазот.
Прашање за национална безбедност
Но, освен приватниот живот, скандалот создаде проблеми и за националната безбедност бидејќи Килер спиела и со руското воено аташе Евгени Иванов.
Стивен Вард, англискиот уметник кој ги спои Килер и Профума и кој си го одзеде животот откако беше осуден за проституција, беше вклучен во сè.
Во новооткриениот документ, Томас Корбали, американски бизнисмен вклучен во индустриска шпионажа, кој се согласил да биде интервјуиран од ФБИ за неговото пријателство со Вард, исто така изнесе тврдења за Филип.
Корбали изјавил и дека има гласини дека принцот Филип можеби бил во врска со овие две девојки, пишува Дејли мејл.
Врските на Филип со аферата Profumo формираа клучна приказна во серијата „The Crown“ на Нетфликс.
Сер Ентони Блант, уметнички куратор на кралицата за кој подоцна се дозна дека е советски шпион, го предупредува Филип во серијата дека ќе ја разоткрие својата врска со Вард.
Познато е дека целиот скандал заврши со падот на тогашната власт и беше засекогаш запишан во историјата, но се чини дека, денес, покојниот принц остана невин во целата ситуација. Иако во документите се споменуваше дека го познава осудениот Вард, нема податоци за негово учество во парницата во тоа време.
Да потсетиме, Филип и Елизабет беа во брак долги 74 години, од 1947 година до неговата смрт во 2021 година.
Една година по него почина и кралицата.
