Нема сомнеж дека бананите се здраво овошје кога се консумираат во умерени количини. Тие се богати со јаглехидрати, диетални влакна, витамини Ц и Б6, калиум, магнезиум и антиоксиданси.
Иако не е препорачливо да ги јадете за појадок бидејќи брзо ќе предизвикаат замор и глад, тие се одличен оброк кој можеме да го јадеме пред тренинг. Ако се прашувате кои банани да ги изберете – зелени или зрели, нутриционистот Павел Исанбаев има неколку совети, пишува Индекс.
„Зрелите банани се послатки и помеки по текстура од незрелите, што го прави полесно да се вари за луѓето со чувствително варење. Зрелото овошје содржи повеќе антиоксиданси, што позитивно влијае на заштитата на организмот од стареење и стрес“, изјави Исанбаев.
Зелените или незрели банани содржат поотпорен скроб кој има лековито дејство врз цревата и микрофлората. Исто така, го намалува нивото на холестерол, ја подобрува чувствителноста на инсулин и помага да се намали ризикот од рак на дебелото црево.
„Зелените банани содржат помалку шеќер и се погодни за луѓе со висока гликоза во крвта и дијабетес. Незрелото овошје има пробиотски својства, што ја подобрува состојбата на цревниот микробиом“, додава нутриционистот.
Имајте на ум дека една банана содржи околу 15 грама шеќер. Ако имате висок шеќер, изберете незрело овошје.
